Ruodná birásbelludahka

Ruodná birásbelludahka la ruodná belludahka. Dat merkaj midjij la ájnas mij gájka nubbe nuppev huksap, ja juhtusijt ja planiehtav várajda válldep. Mij barggap sijá åvdås gejn la binnemus Vuonan ja væráldin, ja aj boahtte buolvaj åvdås. Planiehtta la mijá iellemvuodo. Oajbbop luondo ja dálkádagá åvdås!

Ruodná birásbelludahka miejnni væráldav la máhttelis buorep sadjen dahkat. Hæhttup vuosstálasstet vassjásvuodav ja doarov, ja barggat aktijvuoda ja ráfe åvdås. Gå nágin hæhttu doaros báhtarit, de hæhttup viehkedit. Vuonan e máná galga nielggetjåjvijn oaddát ja e aktak galga ålgoduvvat.