Ruoksat

Ruoksat lea ođđaáigásaš, sosialisttalaš bellodat. Min politihka vuođđun leat árvvut ovttaárvosašvuohta, friddjavuohta, solidaritehta ja searvevuohta. Norggas dál moatti olbmuin lea olu eanet valljivuohta ja fápmu go earáin. Dán Ruoksat áigu rievdadit. Mii háliidat servodaga gos álbmot mearrida, eai ge ruđat. Ruoksat háliida lonuhit dálá vuogádaga mas ruhta addá fámu, vuoiggalaš servodagain mii lea huksejuvvon ovttasbarggu vuođul: sosialismma. Nu mii sáhttit áimmahuššat luonddu ja birrasa guoddevaš láhkai, ja eanaš olbmuin báhcá eambbo gihtii.